Home » Wararka » Bariga Afrika » Madaxweynaha Shiina oo qaabilay Safiirka Cusub ee Soomaaliya u magacawday

Madaxweynaha Shiina oo qaabilay Safiirka Cusub ee Soomaaliya u magacawday

Munaasabad Kooban oo ka dhacday Magaalada Beijing ee dhalka China, Madaxweynaha Dalkaasi Xi Jinping waxa uu Warqadaha Aqoonsi Safiirnimo ka Gudoomay Danjire Cawaale Cali Kulane.

Kulan gaar ah oo ay labada dhinac wada yeesheen waxa ay kaga wada hadleen ka shaqeynta Xoojinta Xiriirka Labada Dal, Is dhex galka labada Shacab iyo qodobo kale.

Madaxweynaha Jamhuuriyadda Dadka ee Shiina ayaa sheegay in Xiriirka kala dhaxeeyo Soomaaliya uu soo hagaagayo, Safiir matalane uu ku sugan yahay Magaalada Muqdisho.

Waxa uu ka rajeeyay Danjire Cawaale in uu isku howlo sidii uu u dar-dar gelin lahaa Howlaha Shaqo Safaaradda Soomaaliya ee Shiinaha.

Ambassador Cawaale Cali Kulane ayaa dhankiisa sheegay in uu ku faraxsan yahay Warqadaha uu ka gudoomay Madaxweyne Xi Jinping, waxa uu ballan qaaday isku xirka labada Dal iyo labada shacab.

Danjire Cawaale ayaa horay usoo noqday Safiirka Soomaaliya Dalka Sweden iyo wadamada la isku yiraahdo Scandinavian-ka.

Is dhexgalka Soomaaliya iyo Shiinaha ayay u muuqataa in uu sii kordhayo, waxaana labada Dal ay isku kala dirsadeen Darjirayaal ka shaqeeya Isku xirkooda.

x

Check Also

Dagaalyahano ka tirsan Alshabaab oo duqeyn lagu laayey Puntland

Ugu yaraan lix ka tirsan malayshiyaadka Al-shabaab ayaa lagu dilay duqeyn diyaaradeed oo shalay ka ...